Makron yenə də Fransa hərbçilərinin Ukraynada quru əməliyyatında iştirakını istisna etməyib

Fransa prezidenti Emmanuel Makron Parisin nə vaxtsa Ukraynada quru əməliyyatları keçirməsi ehtimalını istisna etmədiyini bildirib.

“Report” xəbər verir ki, bu barədə Fransa lideri “Le Parisien” qəzetinə müsahibəsində bildirib.

Onun sözlərinə görə, bir çox Avropa ölkələri heç də kiçik deyil, Fransanın xəttini tam dəstəkləyir:

“Ola bilsin ki, nə vaxtsa, mən bunu istəmirəm və başlatmayacağam da, Rusiya qüvvələrinə qarşı çıxmaq üçün nə olursa olsun, quruda əməliyyatlar aparılmalı olacaq. Fransanın gücü ondadır ki, biz bunu edə bilərik. İstənilən ssenariyə hazırlaşmalıyıq. Bunu etməmək səhv olardı. Əminəm ki, bu ssenarilərin hər hansı birində hər kəs seçdiyi model əsasında məsuliyyət daşıyacaq”.