Los-Ancelesdə çimərlikdə atışma olub, 5 nəfər yaralanıb

ABŞ-ın Kaliforniya ştatının Los-Anceles şəhərindəki San-Pedro çimərliyində atışma olub, azı 5 nəfər yaralanıb.

“Report” xəbər verir ki, bu barədə hüquq-mühafizə orqanlarına istinadən “Los Angeles Times” qəzeti məlumat yayıb.

Hər beş zərərçəkən xəstəxanaya yerləşdirilib. Yerli polis idarəsinin sözçüsü bildirib ki, onlardan bəzilərinin vəziyyəti ağırdır.

Polis şübhəlinin hadisə yerindən qaçdığını bildirib. Hadisənin baş verdiyi çimərlik araşdırma üçün bağlanıb.