İsveç NATO-ya daxil olduqdan sonra Latviyaya 800 hərbçi göndərəcək

İsveç 2025-ci ildə NATO-ya daxil olduqdan sonra Latviyaya 800 hərbçi göndərəcək.

"Report"un xarici KİV-ə istinadən verdiyi məlumata görə, bunu Krallığın Baş naziri Ulf Kristersson "Xalq və Müdafiə" konfransında deyib.

Onun sözlərinə görə, İsveç hökuməti ixtisar edilmiş batalyonun Kanadanın Latviyada rəhbərlik etdiyi NATO qüvvələrində təmsil olunması ilə bağlı qərar verib.

İsveçin cənubunda, Lund şəhəri yaxınlığında yerləşən P 7 alayından ezam olunmuş hərbçilərinin vəzifəsi Latviya sərhədini qorumaq olacaq.

Qeyd edək ki, Latviyadakı NATO qüvvələrinə Kanada rəhbərlik edir və 2 mindən çox şəxsi heyətə malikdir.