İsrail Suriyadakı vəziyyətə görə Qolan təpələrinə əlavə qüvvələr göndərməyi qərara alıb

İsrail Ordusu Suriya istiqamətində müdafiəni gücləndirmək üçün nəzarətində olan Qolan təpələrinə əlavə qüvvələr göndərməyi qərara alıb.

“Report” “The Times of Israel”ə istinadən xəbər verir ki, bu barədə ordunun mətbuat xidmətinin məlumatında bildirilib.

"Vəziyyətin qiymətləndirilməsinə uyğun olaraq, İsrail Müdafiə Qüvvələri Suriya-İsrail sərhədi yaxınlığında Qolan təpələri bölgəsində müdafiə tapşırıqlarını yerinə yetirmək üçün əlavə bölmələr cəlb edir", - məlumatda qeyd olunub.

Bildirilib ki, bu, həmçinin qoşunların müxtəlif ssenarilərə hazırlığını artırmağa imkan verəcək.