İsrail Livanın cənubuna bir sıra zərbələr endirib

İsrail Müdafiə Qüvvələri Livanın cənubundakı Xiam şəhərinə üç zərbə endirib.

"Report" xəbər verir ki, bu barədə “Al Arabiya” telekanalı məlumat yayıb.

Həlak olanlar və yaralananlar barədə məlumat verilmir.

Xatırladaq ki, İsrail sentyabrın 23-də Livandakı “Hizbullah” birləşmələrinə qarşı “Şimal oxları” adlı hərbi əməliyyata başlayıb və bu əməliyyat zamanı hərəkatın hərbi hədəflərinə kütləvi hücumlar həyata keçirir. Oktyabrın 1-nə keçən gecə İsrail ordusu Livanın cənubundakı sərhəd bölgələrində quru əməliyyatı elan edib.