Dövlət Departamenti İranın nüvə sazişinə cavabını qeyri-konstruktiv adlandırıb

Birləşmiş Ştatlar Avropa İttifaqı (Aİ) vasitəsilə İranın nüvə proqramı üzrə Birgə Hərtərəfli Fəaliyyət Planının bərpası ilə bağlı mövqeyinə cavabı alıb və bunu konstruktiv hesab etmir.

"Report" xəbər verir ki, bu barədə TASS-a ABŞ Dövlət Departamentinin nümayəndəsi bildirib.

"Biz Aİ vasitəsilə İranın cavabını aldığımızı təsdiqləyə bilərik. Bunu öyrənirik və Aİ vasitəsilə cavab verəcəyik, lakin təəssüf ki, bu, konstruktiv deyil", - diplomat İran Xarici İşlər Nazirliyinin sözçüsü Nasser Kanani Çafinin bəyanatını şərh edərkən bildirib.

O, Amerika tərəfinin təkliflərinə cavab olaraq Aİ nümayəndəsinə təhvil verilən mətnin “danışıqların başa çatdırılmasına yönəlmiş konstruktiv yanaşmaları ehtiva etdiyini” bildirib.