Çin Kanadanın bəzi mallarına tariflər tətbiq edəcək

Aparılan araşdırmadan sonra Çin hakimiyyəti Kanadadan gələn bəzi mallara əlavə rüsumlar tətbiq etmək qərarına gəlib.

“Report” xəbər verir ki, bu barədə Çin Xalq Respublikasının Ticarət Nazirliyi məlumat yayıb.

Qeyd olunub ki, Kanada tərəfindən görülən tədbirlər ayrı-seçkilik məhdudiyyətləri təşkil edir və Çin müəssisələrinin qanuni hüquq və maraqlarına zərər verir.

“Çin Kanadadan idxal edilən bəzi mallara rüsum tətbiq etmək qərarına gəlib. Pekinin əks tədbirləri ölkənin iki qanununa - xarici ticarət və tariflərə əsaslanır. Biz israr edirik ki, Kanada tərəfi səhv hərəkətləri dərhal düzəltsin, məhdudlaşdırıcı tədbirləri ləğv etsin və onların mənfi təsirini aradan qaldırsın”, - bəyanatda deyilir.