BƏƏ Qəzzadakı vəziyyətlə bağlı BMT Təhlükəsizlik Şurasının iclasını tələb edib

Birləşmiş Ərəb Əmirlikləri bazar ertəsi, dekabrın 4-də Qəzza zolağındakı vəziyyətlə bağlı BMT Təhlükəsizlik Şurasının qapalı iclasının keçirilməsini tələb edib.

“Report” xəbər verir ki, bu barədə jurnalistlərə BƏƏ-nin dünya təşkilatındakı daimi nümayəndəsi Lana Zəki Nusseyba məlumat verib.

“BƏƏ diqqəti bu böhrana yönəltmək üçün müntəzəm olaraq BMT Təhlükəsizlik Şurasının iclaslarını tələb edir. Məsələn, biz indicə bazar ertəsi Təhlükəsizlik Şurasında hərbi əməliyyatların bərpası ilə bağlı qapalı məsləhətləşmələr tələb etmişik”, - deyə o bildirib.