Banqladeşin sabiq baş naziri və qohumlarının həbs müddəti uzadılıb

Banqladeş məhkəməsi korrupsiya işi ilə əlaqədar keçmiş baş nazir Şeyx Həsinənin həbs müddətini daha 5 il uzadıb.

"Report" xəbər verir ki, bu barədə "The Daily Star" qəzeti yazır.

Baş nazirlə yanaşı, onun bacısı Şeyx Rehana 7 il, qardaşı qızı, Britaniya parlamentinin deputatı Tulip Siddik isə 2 il müddətinə həbs cəzasına məhkum edilib.

Hazırda Hindistanda yaşayan 78 yaşlı Həsinə rüşvətxorluqla bağlı dörd cinayət işi üzrə ittiham olunur.

Eyni iş çərçivəsində təqsirli bilinən daha 14 nəfərin hər biri beş il müddətinə azadlıqdan məhrum edilib.