Avstraliyalılar aborigenlərin hüquqları şurasının yaradılması əleyhinə səs veriblər

Avstraliya seçiciləri oktyabrın 14-də keçirilən referendumda yerli əhaliyə onları narahat edən məsələləri hökumət və parlamentlə müzakirə etmək üçün məsləhət orqanı yaratmağa icazə verən Konstitusiyaya düzəlişlərin əleyhinə səs veriblər.

"Report" RBK-ya istinadən xəbər verir ki, bu barədə Avstraliyanın seçki qurumu “National Tally Room” məlumat yayıb.

Seçicilər, aborigenlərə və Torres boğazı adalarının sakinlərinə belə hüquqlar verəcək əsas qanuna dəyişiklikləri təsdiq edib-etməmələrinə cavab verməli idilər.

Milli çoxluq (60%), altı ştatın hər birində seçicilərin əksəriyyəti əsas qanuna dəyişikliklərin əleyhinə səs verib.