Düsseldorf və Bad-Homburq Federal Kriminal Polis İdarəsinin əməkdaşları Çin kəşfiyyatı ilə əməkdaşlıqda şübhəli bilinən 3 Almaniya vətəndaşını saxlayıblar.
“Report” RBC-ya istinadən xəbər verir ki, bu barədə Almaniya Baş Prokurorluğunun mətbuat xidməti məlumat yayıb.
Bildirilib ki, Herviq F., İna F. və Tomas R. 17 aprel 2024-cü il tarixli məhkəmə orderi əsasında saxlanılıb. Onların evlərində və iş yerlərində axtarışlar aparılıb.
“Saxlanılan şəxslər naməlum müddətdən 2022-ci ilin iyununa qədər Çin kəşfiyyatına işləməkdə şübhəli bilinirlər”, - məlumatda qeyd olunub.