ABŞ Ekvador prezidentliyinə namizədin qətlinin araşdırılmasına kömək edəcək

ABŞ Prezidenti Co Baydenin administrasiyası Ekvadorda prezidentliyə namizəd Fernando Vilyavisensionun qətlinin araşdırılmasına kömək etmək üçün Federal Təhqiqat Bürosunun (FTB) əməkdaşlarını adıçəkilən Cənubi Amerika ölkəsinə göndərmək niyyətindədir.

“Report” TASS-a istinadən xəbər verir ki, bu barədə “Bloomberg” agentliyi məlumat yayıb.

Məlumata görə, Vaşinqton çərşənbə günü bu işə FTB işçilərini cəlb etməyi təklif edib: “FTB-nin ABŞ-ın müttəfiqi olan ölkələrə bu cür yardım göstərməsi olduqca adi haldır”.

ABŞ dövlət katibinin köməkçisi Brayan Nikols Vilyavisensioya hücumu demokratiyaya qarşı həyasız hücum adlandırıb: “Biz işin tez və hərtərəfli araşdırılmasına çağırırıq və yardımımızı təklif edirik”.