ABŞ diplomatik missiyası avqustun 31-dən sonra Əfqanıstanda işləməyəcək

ABŞ avqustun 31-dən sonra Əfqanıstandakı diplomatik missiyanın işini məhdudlaşdıracaq.

"Report" Rusiya mətbuatına istinadən xəbər verir ki, bunu Ağ Evin sözçüsü Jen Psaki deyib.

Psaki Əfqanıstanda diplomatik fəaliyyətin davam etdirməyin mümkün olmadığını vurğulayıb: "Risk qrupuna daxil olan amerikalıları, üçüncü ölkə vətəndaşlarını və yerli sakinləri Əfqanıstandan çıxarmağa davam edəcəyik".

Ağ Evin sözçüsü əlavə təxliyyə imkanlarını müəyyən etmək üçün "Taliban"la əlaqə qurmağın vacibliyini də əlavə edib.