ABŞ-də insan nəşlərinin qalıqları aşkarlanıb

ABŞ-nin Nevada ştatında Las-Veqas şəhəri yaxınlığında yandırılmış insan nəşlərinin qalıqları aşkarlanıb.

"Report"un xəbərinə görə, bu barədə yerli "8 News Now" telekanalı mənbəyə istinadən məlumat yayıb.

"Federal hakimiyyət Las-Veqasdan təxminən bir saatlıq məsafədə torpaq yolun yaxınlığında qalmış 100-dən çox yandırılmış insan qalıqlarının tapılmasını araşdırır", - məqalədə deyilir.

Telekanalın məlumatına görə, hadisə yerində sümüklər və küllər, o cümlədən yanmış ət də aşkarlanıb.

Ərazi İdarəetmə Bürosu qalıqların mənşəyi ilə bağlı araşdırmalara başlayıb.