Türkiyədən Azərbaycana idxal olunan Antep fıstığında uyğunsuzluq aşkarlanıb

"Buta Çərəz" MMC-nin Türkiyədən idxal etdiyi "SDF Gida Sanayi ve Ticaret Limited Şirketi" müəssisəsinin istehsalı olan Antep fıstığı məhsulu partiyasında (08.10.2025-08.10.2027-ci il istehsal və son istifadə tarixli) uyğunsuzluq aşkarlanıb.

Bu barədə "Report"a Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, ümumi çəkisi 6.12 ton antep fıstığı məhsulunda Aflatoksin B1 və Total Aflatoksin göstəriciləri üzrə uyğunsuzluq aşkarlanıb.

Məhsul partiyası Azərbaycanın idxal tələblərinə, o cümlədən qüvvədə olan texniki və hüquqi normalara cavab vermədiyi üçün gömrük ərazisinin hüdudlarından kənara çıxarılması və ya məhv edilməsi barədə qərar qəbul edilib.