69 saylı Biləsuvar seçki dairəsi üzrə ən yaşlı seçicinin 101 yaşı var 

69 saylı Biləsuvar seçki dairəsi üzrə ən yaşlı seçicinin 101 yaşı var.

"Report"un Muğan bürosunun məlumatına görə, o, 42 saylı məntəqədə qeydiyyatda olan 1923-cü il təvəllüdlü Xədicə Cavadovadır.

Qeyd edək ki, 53 580 seçicisi olan seçki dairəsinin hüdudları daxilində 46 seçki məntəqəsi mövcuddur.

69 saylı Biləsuvar seçki dairəsi üzrə 8 namizəd qeydə alınıb. 4 namizəd partiya tərəfindən, 4 namizəd isə öz təşəbbüsü ilə namizədliyini irəli sürüb.

Dairə üzrə 10 məntəqədə veb kameralar quraşdırılıb.