Samir Becanov: Azərbaycanın COP29-a sədrliyi ədalətli nəticələr əldə etməyə imkan verəcək

Azərbaycanın COP29-a sədrliyi iqlim maliyyəsi məsələsində ədalətli və iddialı nəticə əldə etməyə imkan verəcək.

“Report” xəbər verir ki, bunu COP29 baş danışıqçısının müavini Samir Becanov jurnalistlərə açıqlamasında bildirib.

"Biz bu il ədalətli və iddialı nəticə əldə etmək üçün köməkçi orqanların sədrləri və tərəflərlə çox sıx əməkdaşlıq edəcəyik", - o qeyd edib.

S.Becanov vurğulayıb ki, Azərbaycan bütün tərəfləri gündəliyin ən vacib məsələsi - iqlim maliyyəsi üzrə danışıqlara diqqət yetirməyə çağırır.