Naxçıvanda qeydiyyata alınmış vergi ödəyicilərinin sayı 2,2 dəfə artıb

Bu ilin yanvar-aprel aylarında Naxçıvan Muxtar Respublikasında 1 938 yeni vergi ödəyicisi qeydiyyata alınıb.

"Report"un Dövlət Vergi Xidmətinə istinadən verdiyi xəbərə görə, 2022-ci ilin müvafiq dövrü ilə müqayisədə qeydiyyata alınmış vergi ödəyicilərinin sayı 2,2 dəfə artıb.

Bunların 87,6 %-i fiziki, 12,4 %-i hüquqi şəxslər və digər təşkilatlar olub ki, bu da fiziki şəxslərin sayının 2 dəfə, hüquqi şəxslərin sayının isə 30 dəfə artması deməkdir.

Cari ilin 4 ayında kommersiya qurumlarının 52 %-i elektron qaydada, 48 %-i isə kağız daşıyıcılar vasitəsilə edilmiş müraciətlər əsasında uçota alınıb.