Azərbaycanda 11 ayda istehlakçıların 330 min manatlıq tələbi təmin olunub

Bu ilin yanvar-noyabr aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə istehlakçıların hüquqlarının pozulması ilə bağlı 4 500-ə yaxın müraciət daxil olub.

"Report" xəbər verir ki, bunu Dövlət Xidmətinin rəisi vəzifəsini müvəqqəti icra edən Sahib Məmmədov bildirib.

Onun sözlərinə görə, bu müraciətlər əsasında 330 min manatlıq tələb təmin olunub.

"İstehlaçıların şikayətləri əsasən məişət mallarının, o cümlədən elektronika məhsullarının keyfiyyəti, müqavilə şərtlərininn yerinə yetirilməməsi ilə bağlı olub", - o qeyd edib.