Azərbaycan meyvə-tərəvəz idxalını və ixracını artırıb

Bu ilin yanvar-mart aylarında Azərbaycan 132,2 min ton meyvə-tərəvəz idxal edib.

“Report” Dövlət Gömrük Komitəsinə istinadən xəbər verir ki, bu həcmdə məyvə-tərəvəzin dəyəri 77 milyon 155 min ABŞ dollar təşkil edib.

Məlumata görə, ötən ilin eyni dövrü ilə müqayisədə məyvə-tərəvəz idxalı həcm ifadəsində 3 ton (cüzi), dəyər ifadəsində isə 4 milyon 692 min ABŞ dolları ( 6,4 %) artıb.

Bu ilin ilk üç ayında Azərbaycan həmçinin 97 min ton meyvə-tərəvəz ixrac edib. Bu həcmdə meyvə-tərəvəzin dəyəri 124 milyon 928 min ABŞ dolları təşkil edib. Ötən ilin eyni dövrü ilə müqayisədə meyvə-tərəvəz ixracı həcm ifadəsində 7 min 127 ton ( 7,9 %), dəyər ifadəsində isə 27 milyon 697 min ABŞ dolları (28,4 %) artıb.