"Bakı 2015"in qızıl medalçısı Ayxan Tağızadə qələbəni şərh edib

Bakı. 18 iyun REPORT.AZ/ "Qızıl medal qazandım. Taekvondo Federasiyasının prezidenti Kəmaləddin Heydərova, prezidentimiz İlham Əliyevə, müəllimimə, atama, baş məşqçimə təşəkkür edirəm". "Report"un məlumatına görə, bunu jurnalistlərə açıqlamasında "Bakı 2015" I Avropa Oyunlarında qızıl medal qazanan Ayxan Tağızadə deyib.

68 kq çəkidə mübarizə aparan gənc taekvondoçu çətin döyüş keçdiyini və yarışın Bakıda keçirilməsinin məsuliyyətini artırdığını bildirib: "Vətəndə uduzmaq olmazdı. Dəstək verən hər kəsə təşəkkür edirəm, azarkeşləri sevindirdim. Bütün gücümü sərf edərək, qalib gəldim. Başqa cür ola da bilməzdi".