Azərbaycan Qazaxıstandan buğda alışını kəskin artırıb

Bu ilin ilk 4 ayı ərzində Azərbaycan xaricdən 105,27 milyon ABŞ dolları dəyərində 308 min 043 ton buğda alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 13,2 % çoxdur, kəmiyyət olaraq – 15,7 % azdır.

Hesabat dövründə Rusiyadan 60,715 milyon ABŞ dolları dəyərində 175 min 655 ton, Qazaxıstandan 44,554 milyon ABŞ dolları dəyərində 132 min 388 ton məhsul gətirilib.

2021-ci ilin yanvar-aprel aylarının göstəriciləri ilə müqayisədə Rusiyadan tədarük müvafiq olaraq 33,5 % və 51,1 % azalıb, Qazaxıstandan – 26,6 dəfə və 21 dəfə artıb.