Tomas Preynl: Bakı güclü turizm potensialına malikdir

Bakı güclü turizm potensialına malik şəhərdir.

Bu barədə almaniyalı səyyah Tomas Preynl "Report"a bildirib.

O, ilk dəfə Azərbaycan paytaxtına 25 il əvvəl səfər etdiyini və o vaxt şəhərin tamamilə fərqli göründüyünü söyləyib:

"Bu, mənim Bakıya üçüncü səfərimdir. Bura fantastik bir yerdir, aydındır ki, turizm infrastrukturuna böyük sərmayə qoyulur".

Qarabağa səfərindən danışarkən o, azad edilmiş əraziləri ziyarət etməkdən məmnun olduğunu qeyd edib: "Gördüklərim məni heyran etdi: dağıntılar təmizlənmiş, tarixi binalar bərpa olunmuş və Qarabağ tədricən müharibədən əvvəlki görünüşünə qayıtmışdı. Əminəm ki, Qarabağ bölgəsindəki şəhərlər ötən ildən daha da yaxşı görünəcək".