Stefan Dujarrik BMT Baş katibinin Qarabağı ziyarət edib-etməyəcəyi barədə sualı cavablandırıb

"Noyabra qədər BMT Baş katibi Antoniu Quterreşin Azərbaycana səfəri nəzərdə tutulmayıb".

Bunu BMT Baş katibinin sözçüsü Stefan Dujarrik “Report”un ABŞ bürosunun sualını cavablayarkən deyib.

Baş katibin Bakıya səfəri çərçivəsində Azərbaycanın Qarabağ bölgəsini ziyarət edəcəyinə dair hansısa planın olması barəsində suala cavab verən sözçü noyabr ayında bu məsələ barədə məlumat verilə biləcəyini deyib: "Hələ iyul ayıdır, mən səyahət haqqında danışmayacağam. Ola bilər ki, bu, noyabra qədər baş verməyəcək".