Səfir: Azərbaycanla Filippin arasında birbaşa uçuş və viza ilə bağlı müzakirələr davam edir

Azərbaycanla Filippin arasında birbaşa uçuş və viza ilə bağlı müzakirələr davam edir.

Bunu "Report"un Ankara bürosuna Filippinin Azərbaycandakı qeyri-rezident səfiri (iqamətgahı Ankarada - red) Henri Bensurto bildirib.

Səfir deyib ki, hazırda Azərbaycanla bu iki məsələ ilə bağlı fəaliyyətlər intensivləşib:

"Hər iki ölkə qarşılıqlı olaraq vizaların ləğvini və birbaşa hava yolunun açılmasını istəyir. Biz də bu istiqamətdə fəaliyyətimizi artırmışıq. Əgər bu məsələlər həll olunsa ölkələrimiz arasında gediş-gəlişlər çoxalar və insanlarımız arasında yaxınlaşma və əlaqələr sürətlənər".