Səfir: "Azərbaycanın suveren hüquqlarını, ərazi bütövlüyünü dəstəkləyirik"

“Biz BMT Təhlükəsizlik Şurasının Qarabağ münaqişəsi ilə bağlı qətnamələrini və Azərbaycanın suveren hüquqlarını, ərazi bütövlüyünü dəstəkləyirik. Bu mənada Azərbaycanda yaşanan son hadisələrdən təəssüfləndiyimi ifadə edirəm”.

Bunu “Report”un Ankara bürosuna açıqlamasında Tailandın Azərbaycan və Türkiyədəki səfiri Apirat Suqondhabhirom bildirib.

İqamətgahı Ankarada yerləşən diplomat, həmçinin Qarabağda aparılan lokal antiterror tədbirlərinə də münasibət bildirib: “İnanıram ki, Azərbaycanın mərkəzi hakimiyyəti rəsmilərinin Qarabağ bölgəsində yaşayan erməni sakinlərin nümayəndələri ilə təmasları müsbət nəticə verəcək. Mən bu məsələdə pessimist deyiləm”.