Sankt-Peterburq qubernatoru Azərbaycanın Baş Konsulluğunda xatirə kitabına qeyd qoyub

Rusiyanın Sankt-Peterburq şəhərinin qubernatoru Aleksandr Beqlov bu gün Azərbaycan Respublikasının Baş Konsulluğunu ziyarət edib.

“Report”un Rusiya bürosunun məlumatına görə, qubernator "Azərbaycan Hava Yolları"nın (AZAL) sərnişin təyyarəsinin qəzaya uğraması ilə əlaqədar açılmış xatirə kitabına qeyd qoyub.

Qeyd edək ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb. Onların 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub.

Hadisə ilə əlaqədar dekabrın 26-sı Azərbaycanda matəm elan edilib.