​Qırğızıstan Dağlıq Qarabağ münaqişəsinin nizamlanmasına kömək etməyə hazırdır

Bakı. 4 aprel. REPORT.AZ/ Qırğızıstan Ermənistan-Azərbaycan, Dağlıq Qarabağ münaqişəsinin nizamlanmasında vasitəçi qismində çıxış etməyə hazırdır.

"Report" TASS-a istinadən xəbər verir ki, bu barədə Qırğızıstanın Xarici İşlər Nazirliyinin yaydığı bəyanatda bildirilib.

“Qırğız Respublikası 5 may 1994 cü il tarixli Bişkek protokolunun imzalanması təcrübəsinə əsaslanaraq, münaqişənin həlli yollarının axtarılması üçün konstruktiv təkliflərin işlənməsi mövqeyindən çıxış edir və bu məsələdə öz siyasi yardımını göstərməyə hazırdır”, - deyə bəyanatda qeyd olunub.

Həmçinin vurğulanır ki, rəsmi Bişkek Dağlıq Qarabağda vəziyyətin qan tökülməsi və insan itkilərinə gətirib çıxaran kəskinləşməsi barədə xəbərləri narahatlıqla qarşılayıb.