Ombudsman və Aparatın əməkdaşları Özbəkistanda seçki prosesini izləyirlər

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva və Ombudsman Aparatının əməkdaşlarının da təmsil olunduğu heyət Özbəkistan Respublikasında Ali Məclisin Qanunvericilik Palatasına və yerli şuralara keçirilən seçkilərdə müşahidəçi qismində iştirak edir.

Bu barədə "Report"a Ombudsman Aparatından bildirilib.

Ombudsman Səbinə Əliyeva və Aparatın əməkdaşları seçkilərə hazırlıq səviyyəsi ilə maraqlanaraq, seçki məntəqələrində yaradılmış şəraitlə tanış olub, seçki prosesini izləyirlər.