BMT Təhlükəsizlik Şurası Səudiyyə Ərəbistanında törədilən terror aktını pisləyib

Bakı. 30 yanvar. REPORT.AZ/ BMT Təhlükəsizlik Şurası yanvarın 30-da bəyanat yayaraq Səudiyyə Ərəbistanının şərqindəki əl-Ahsa şəhərində məsciddə törədilən terror aktını kəskin pisləyib.

"Report"un "Gazeta.Ru"-ya istinadən xəbər verir ki, bəyanatda günahkarların məsuliyyətə cəlb olunmasından danışılır. Sənəddə terror aktını törədənlərin ədalət məhkəməsinə cəlb edilməsi üçün Səudiyyə Ərəbistanının hakimiyyət orqanları ilə beynəlxalq hüquq çərçivəsində fəal qarşılıqlı fəaliyyət göstərmək çağırışı da yer alıb.

Son məlumata görə, məsciddə törədilən partlayış və ondan sonrakı atışmada həlak olanların sayı üç nəfərə çatıb.

Məlumata görə, terrorçu-kamikadzelərdən biri özünü düz məscidin yanında partlada bilib.