Azərbaycanla Rusiya arasında ikitərəfli münasibətlər müzakirə olunub

Rusiya xarici işlər nazirinin müavini Mixail Qaluzin Azərbaycanın bu ölkədəki səfiri Rəhman Mustafayevi qəbul edib.

"Report"un xəbərinə görə, bu barədə məlumat Rusiya Xarici İşlər Nazirliyinin saytında dərc olunub.

Görüşdə Moskva ilə Bakı arasında müttəfiqlik əməkdaşlığının əsas müstəvisində əlaqələrin daha da inkişaf etdirilməsi perspektivləri müzakirə edilib, ikitərəfli və regional gündəliyin bir sıra aktual mövzuları nəzərdən keçirilib.

Rusiyada və Azərbaycanda cari il üçün nəzərdə tutulan dövlətlərarası təmasların və birgə tədbirlərin qrafiki dəqiqləşdirilib.