Azərbaycan Prezidenti ​Qətər əmirinə təbrik məktubu göndərib

Bakı. 17 dekabr. REPORT.AZ/ Azərbaycan Prezidenti İlham ƏIiyev Qətər Dövlətinin əmiri Əlahəzrət şeyx Təmim bin Həməd Al Taniyə təbrik məktubu göndərib. "Report"un məlumatına görə, təbrikdə deyilir: 

"Qətər Dövlətinin Milli günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi yetirirəm. Əminəm ki, Azərbaycan-Qətər dostluğu və əməkdaşlığının inkişafı bundan sonra da xalqlarımızın mənafelərinə xidmət edəcəkdir. Bu əlamətdar gündə Sizə möhkəm cansağlığı, işlərinizdə uğurlar, qardaş Qətər xalqına daim sülh və rifah diləyirəm".