“Utair” iyundan Tümendən Bakıya reyslərin sayını artıracaq

Rusiyanın "Utair" aviaşirkəti iyunun 4-dən etibarən Tümendən Bakıya reyslərin sayını həftədə ikiyə qədər artıracaq.

Bu barədə “Report” şirkətin mətbuat xidmətinə istinadən xəbər verir.

Uçuşlar çərşənbə və cümə günləri həyata keçiriləcək.

Çərşənbə günü Tümendən uçuş yerli vaxtla saat 10:10-da, Bakıdan isə 13:45-də planlaşdırılır. Cümə günləri isə Tümendən 10:50-də, əks istiqamətdə isə 14:24-də olacaq. Uçuş müddəti 3 saat 35 dəqiqə təşkil edəcək.

Tümen hava limanının cədvəlinə əsasən, hazırda digər aviaşirkətlər Bakıya uçuşlar həyata keçirmir.