Azərbaycan Qarabağ və Şərqi Zəngəzurda turizmin inkişafına xarici investorları cəlb etmək istəyir

"Azərbaycan hökuməti işğaldan azad edilmiş ərazilərdə turizmin inkişafı üçün MDB ölkələri, Türkiyə, İsrail və Rusiyadan olan investorlarla danışıqlar aparır".

"Report" xəbər verir ki, bunu jurnalistlərə açıqlamasında Dövlət Turizm Agentliyinin sədri Fuad Nağıyev bildirib.

"Bizim turizmlə bağlı təşviq mexanizmlərimiz var. İşğaldan azad edilmiş ərazilər də daxil olmaqla turizmə investisiyaların yatırılması ilə bağlı həm yerli, həm xarici investorlarla danışıqlar aparırıq. Hələ ki, Şəki şəhərinə bir neçə investor maraq göstərir. Bunlar, müəyyən tarixi abidələrin bərpa edilib, işlənməsi ilə bağlıdır, dövlət və özəl sektorun partnyorluğu sahəsində icra olunan layihələrdir. Hazırda onlar müzakirə edilir", - deyə o qeyd edib.