Mediasiya Şurasına ailə məsələləri ilə bağlı daxil olan müraciətlərin sayı açıqlanıb

Mediasiya Şurasına ailə məsələləri ilə bağlı ötən ildə 11 912 müraciət daxil olub.

"Report" xəbər verir ki, bunu Mediasiya Şurası İdarə Heyətinin sədri Nadir Adilov "Azərbaycan ailə modelinin inkişaf strategiyası" adlı konfransda çıxışı zamanı deyib.

O bildirib ki, ötənilki mübahisələrin 752-si barışıq sazişi ilə bitib: "Mediasiya Şurasında qeydiyyatda olan 286 mediatordan 60-ı qadındır. Qadınlardan daha uğurlu mediatorlar alınır. Ümumilikdə 59 mediatora yol verdiyi nöqsanlara görə xəbərdarlıq edilib. 7 mediatorun fəaliyyəti isə 6 aylıq dayandırılıb".

N.Adilov vurğulayıb ki, bu ilin 5 ayında 11 005 ailə mübahisələrlə bağlı mediasiyaya müraciət edib: "Keçən illə müqayisədə rəqəmlərdə artım var. Bunların 395-i barışıq sazişi ilə nəticələnib".