Biləsuvarda bu il doğum səviyyəsi aşağı düşüb

Biləsuvar rayonunda bu il doğulan körpələrin sayı azalıb.

“Report”un Muğan bürosunun məlumatına görə, cari ilin altı ayında rayonda 536 körpə dünyaya gəlib.

Ötən ilin müvafiq dövrü ilə müqayisədə əhalinin hər 1000 nəfərinə doğum səviyyəsi 14,8-dən 10-ə qədər azalıb.

Həmçinin ötən ilin ilin yanvar-iyun aylarında 236 ölüm halı qeydə alınıb. Əhalinin hər min nəfərinə hesabı ilə ölümlərin sayı 2023-cü ilin yanvar-iyun ayları ilə müqayisədə 5,1-dən 4,4-ə qədər azalıb.

Qeyd edək ki, bu ilin 6 ayında Biləsuvar rayonunun əhalisinin sayı 327 nəfər və ya 0,3 faiz artaraq 106,9 min nəfərə çatıb.