Azərbaycanda əmək pensiyalarının baza hissəsi ləğv olunur

Bakı. 28 fevral. REPORT.AZ/ Azərbaycanda əmək pensiyalarının baza hissəsi ləğv olunur.

"Report"un xəbərinə görə, bu, "Əmək pensiyaları haqqında" qanununa dəyişiklik layihəsində əksini tapıb.

Bunun əvəzində minimum pensiya məbləği 110 manat təyin ediləcək.

1992-ci ilin yanvarın 1-nə qədər pensiyaya çıxan vətəndaşların kompensasiyasını dövlət ödəyəcək. 2006-cı ilə qədər çıxanların kompensasiyasını isə Əmək və Əhalinin Sosial Müdafiəsi Nazirliyi təmin edəcək. 2006-cı ildən sonra bu vəsaitlər sərbəst toplanaraq hesablanacaq.