​Аzərbаycаn əhalisinin sayı açıqlanıb

Bakı. 15 aprel. REPORT.AZ/ Аzərbаycаndа mövcud demоqrаfik vəziyyət açıqlanıb.

Dövlət Statistika Komitəsindən (DSK) "Report"a verilən məlumata görə, bu ilin yanvar-fevral aylarında əhalinin sayı 17,9 min nəfər və ya 0,2 faiz artaraq 2016-cı il mart ayının 1-i vəziyyətinə 9723,5 min nəfərə çatıb.

Əhalinin bir kvadrat kilometrə olan sıxlığı 112 nəfər olub. Ölkə əhalisinin ümumi sayından 53,1 faizi şəhər, 46,9 faizi kənd sakinlərinin, 49,8 faizi kişilərin, 50,2 faizi isə qadınların payına düşür.

Hazırda hər 1000 kişiyə 1007 nəfər qadın düşür.