​Sankt-Peterburq Azərbaycanda dərman istehsalı üzrə birgə müəssisə yaratmaq niyyətindədir

Bakı. 2 oktyabr. REPORT.AZ/ Azərbaycan və Sankt-Peterburq arasında əməkdaşlığın genişləndirilməsi mövzularından biri Azərbaycana Rusiyada istehsal olunan dərman preparatlarının ixracı məsələsi olub.

"Report" Rusiya KİV-inə istinadən xəbər verir ki, bu barədə Azərbaycana səfərinin yekunlarına dair açıqlama verən Sankt-Peterburq qubernatoru Georgi Poltavçenko bildirib.

"Hazırda Azərbaycana dərman preparatlarının ixracından başlayaq, gələcəkdə isə ola bilsin ki, istehsalın Azərbaycanda təşkil edilməsi ilə bağlı birgə layihələri həyata keçirə bilərik", - qubernator qeyd edib.

Onun sözlərinə görə, səfər zamanı həm də turizm sahəsində ikitərəfli əməkdaşlığın genişləndirilməsi barədə razılıq əldə olunub.