Bakıda sənaye inkişafına dair konfrans keçirilir

Bakı. 23 fevral. REPORT.AZ/ Bu gün Bakı Biznes Mərkəzində "Sənayenin inkişafında dövlət dəstəyi" mövzusunda konfrans keçirilir. "Report" xəbər verir ki, tədbiri giriş sözü ilə iqtisadiyyat nazirinin müavini Niyazi Səfərov açıb.

N.Səfərovun sözlərinə görə, sənaye sahəsində məşğulluğun artırılması və yüksək ixtisaslı kadrların hazırlanması qarşıda duran əsas vəzifələrdəndir: "Bilirsiniz ki, sahibkarlıq sahəsində yoxlamalar 2 illik azaldılıb. Lisenziyaların sayı 57-dən 39-a endirilib. Rüsumların dərəcəsi 2-4 dəfə azaldılıb".