Azərbaycan sənaye müəssisəsinin öhdəlikləri 3 dəfə artıb

“Bakı Neft Mədən Avadanlıqları” ASC ötən ili 96 min manat xalis mənfəətlə başa vurub.

“Report” xəbər verir ki, bu, 2022-ci illə müqayisədə 2,2 dəfə çoxdur.

Ötən il “Bakı Neft Mədən Avadanlıqları”nın vergiyəqədərki mənfəəti 120 min manat (illik müqayisədə 2,2 dəfə az), mənfəət vergisi ödəmələri 24 min manat (2,2 dəfə az) təşkil edib.

Bu il yanvarın 1-nə “Bakı Neft Mədən Avadanlıqları”nın aktivləri 1,815 milyon manat olub ki, bu da, illik müqayisədə 11,4 % çoxdur. Hesabat dövründə şirkətin öhdəlikləri 3,1 dəfə artaraq 448 min manata, balans kapitalı isə 7,8 % azalaraq 1,367 milyon manata enib.

Xatırladaq ki, “Bakı Neft Mədən Avadanlıqları” 2001-ci ildə yaradılıb. Onun nizamnamə kapitalı 766 min manatdır.