Dünyada 2050-ci ilə qədər eşitmə qüsurlu insanların sayı 900 milyonu keçə bilər

Bakı. 2 mart. REPORT.AZ/ Hazırda dünya əhalisinin 5-9%-dən çoxunda, təxminən, 466 milyona yaxın insanda eşitmə qüsuru var.

“Report” xarici mətbuata istinadən xəbər verir ki, onların 432 milyonu böyüklər, 34 milyonu isə uşaqlardır.

Tibb mütəxəssislərinin apardıqları araşdırmalara əsasən, əgər qabaqlayıcı tədbirlər görülməsə, 2050-ci ilə qədər eşitmə qüsurlu insanların sayır 900 milyonu keçəcək. Bu isə o deməkdir ki, dünyada hər 10 insandan birində eşitmə qüsur qeydə alınacaq.