Prezidentin köməkçisi: "Heç bir səhiyyə sistemi limitsiz deyil"

“Biz ilk dalğalardan, təbii ki, bir çox şeyləri öyrəndik, dövlət və səhiyyə qurumları tərəfindən bir çox addımlar atılıb. Modul tipli xəstəxanaların yaradılması, xaricdən həkimlərin gətirilməsi və s. deyə bilərik”.

“Report” xəbər verir ki, bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın keçirdiyi brifinqdə deyib.

“Lakin heç bir səhiyyə sistemi limitsiz deyil. Həkimlərimiz çox gərgin bir şəraitdə fəaliyyət göstərir. Onlar da bir cəbhədədirlər və biz bu cəbhədə onlara köməklik göstərməliyik”, - o bildirib.