Azərbaycanda koronavirusa qarşı vurulan vaksinlərin sayı 13 milyon 500 mini ötüb

Azərbaycanda son sutkada koronavirus əleyhinə 12 054 vaksin vurulub.

Bu barədə "Report"a Nazirlər Kabineti yanında Operativ Qərargahdan məlumat verilib.

Son sutkada birinci mərhələ üzrə vaksinasiya olunanların sayı 844, ikinci mərhələ üzrə vaksinasiya olunanların sayı 1259, üç və daha çox doza üzrə vaksinasiya olunanların sayı 9 297, pozitiv nəticədən sonra buster doza üzrə vaksinasiya olunanların sayı 654-dür.

Azərbaycanda bu günə qədər vurulan vaksinlərin ümumi sayı 13 503 634, birinci doza peyvəndlərin ümumi sayı 5 328 019, ikinci doza vaksinlərin sayı 4 829 162 təşkil edib.

Üç və daha çox doza vaksinlərin sayı 3 115 333, pozitiv nəticədən sonra “buster” doza vaksinlərin sayı isə 231 120 olub.