Azərbaycanda son gündə koronavirusa 110 yoluxma qeydə alınıb, 4 nəfər ölüb

Azərbaycanda son gündə koronavirusa 110 yeni yoluxma qeydə alınıb, 117 nəfər müalicə olunaraq sağalıb və evə buraxılıb.

Bu barədə "Report"a Nazirlər Kabineti yanında Operativ Qərargahdan bildirilib.

Məlumata görə, son sutkada 4 nəfər COVID-19-dan vəfat edib.

Ölkədə bu günədək ümumilikdə 805 213 nəfər koronavirusa yoluxub. Onlardan 792 230 nəfər müalicə olunaraq sağalıb, 9 777 nəfər vəfat edib, hazırda aktiv xəstə sayı 3 206 nəfərdir.

Son gün ərzində 2 002, hazırkı dövrədək isə 7 097 152 test aparılıb.