Alimlər koronavirusun dəridə neçə saat qaldığını müəyyənləşdirib

Kioto Tibb Universitetindən olan bir qrup yaponiyalı tədqiqatçı koronavirusun insan dərisində neçə saat qaldığını və 80%-li etanolla təmizlənmənin onu nə qədər tez məhv edə biləcəyini müəyyənləşdirib.

“Report” “Qazeta.ru”ya istinadən xəbər verir ki, bu barədə “Asahi” qəzeti məlumat yayıb.

Təcrübələr zamanı tədqiqatçılar insan dərisinə nümunələrinə təxminən 100 min qrip virusu və yeni koronavirus nümunələri yerləşdiriblər. Məlum olub ki, koronavirus insan dərisində 6-11 saat qalır və təhlükəli mənbəyi olur. Bu, qrip viruslarına nisbətən təxminən beş dəfə çoxdur: onlar 1-2 saat sonra dəridən itib, 80%-li etanolla təmizləmə isə bütün koronavirusları 15 saniyədə öldürməyə imkan verib.

Digər tərəfdən, əlləri sadəcə axan su ilə yumaqla koronavirusların sayının 100 dəfə azaldıla biləcəyi aşkar edilib. Əlləri, təxminən, 15 saniyə ərzində sabun ilə yuduqda isə əvvəlki koronavirus sayının yalnız on mində bir hissəsi dəri üzərində qalacaq.