İran ABŞ casusunu edam edəcək

İran məhkəməsi ABŞ-ın Mərkəzi Kəşfiyyat İdarəsinə (CIA) casusluq etməkdə ittiham olunan şəxs barədə edam hökmü çıxarıb.

“Report” “MehrNews”a istinadən xəbər verir ki, bunu mətbuat konfransında İran məhkəməsinin nümayəndəsi Qulamhüseyn İsmayılli söyləyib.

“İranın nüvə proqramı haqqında ABŞ-a məlumat göndərən MKİ casusu saxlanılıb. Ali Cinayət Məhkəməsi ona ölüm hökmü oxuyub. Hökm yaxın vaxtlarda icra ediləcək”, - məhkəmə nümayəndəsi bildirib.