Rusiya FTX-nin bölmə rəisi rüşvət almaqda şübhəli bilinərək saxlanılıb

Rusiya Federal Təhlükəsizlik Xidmətinin (FTX) bölmələrindən birinin rəisi, polkovnik Kirill Çerkalin və onun tabeliyində olan iki keçmiş əməkdaş iri məbləğdə rüşvət almaqda şübhəli bilinərək tutulub.

“Report” TASS-a istinadən xəbər verir ki, məlumatı FTX-nin İctimaiyyətlə əlaqələr mərkəzi yayıb.

Bildirilib ki, həmin bölmənin keçmiş əməkdaşları - Dmitri Frolov və Andrey Vasilyev əvvəllər ciddi nöqsanlara görə hərbi xidmətdən uzaqlaşdırılıblar.