Ukrayna DİN: “Putin Lukaşenkonun hərbi əməliyyatlara qoşulmasına hazırlıq görür”

“Rusiya Prezidenti Vladimir Putin Belarus Prezidenti Aleksandr Lukaşenkonun hərbi əməliyyatlara qoşulmasına hazırlıq görür”.

“Report” UNİAN-a istinadən xəbər verir ki, bunu Ukrayna daxili işlər nazirinin müşaviri Vadim Denisenko bildirib.

“Belarusun Ukraynaya qarşı müharibədə Rusiya tərəfindən döyüşmək ideyasından tamamilə əl çəkdiyini demək hələlik mümkün deyil. Biz belə bir ssenarini gözləyirik və buna hazırıq”, - o bildirib.

Qeyd edək ki, daha əvvəl Ukrayna Müdafiə Nazirliyi Belarusun Ukraynaya hərbi müdaxiləsi üçün hazırlıq işlərinin görüldüyü barədə məlumat yaymışdı.