Spiker: Son bir ayda xarici siyasətçilər Gürcüstanla bağlı 90-dan çox tənqidi bəyanat veriblər

Son bir ay ərzində xarici siyasətçilər Gürcüstanla bağlı 90-dan çox tənqidi bəyanat veriblər.

"Report"un yerli bürosu xəbər verir ki, bunu Gürcüstan parlamentinin spikeri Şalva Papuaşvili deyib.

Onun sözlərinə görə, bütün bunlar aktiv seçkiqabağı kampaniya fonunda baş verir.

"Hər gün 3-4 bəyanat səslənir və bu, planlaşdırılmış seçki kampaniyasının göstəricisidir. Xaricdən maliyyələşən yerli QHT-lərin fəaliyyəti göstərir ki, hazırlıq seçki gününə deyil, seçkidən sonrakı dövrə yönəlib. Onlar seçkinin nəticələrini tanımayacaqlar. Mənim hamıya çağırışım budur, xahiş edirəm, gürcü xalqının seçimini qəbul edin”, - deyə spiker bildirib.